طلبت منو مساعدة اسي بقي راجلي

لمن اتقـ,,ـبلت ف الجامعة ومشيت اسجل لقيتو هناك وهو تقريباً كان مخلص إجراءاتو..

اليوم داك كنت جاية براي نسبة لأنو اهلي كانوا مشغولين وانا عملت فيها مـ,,ـرا وقلت بمشي براي عشان بقيت كبيرة واصلاً اخوي كان موريني الإجراءات وسبقاً مشيت مع اختي الكبيرة قبل كدة لمن كانت حتسجل ف جامعتها ف كنت عارفة المفروض اعمل شنو ،المهم لمن دخـ,,ـلت الجامعة راسي لـ,,ـفة حبة وكل م بمشي اسال زول بقول لي امشي هنا ولما امشي هنا بيقول لي امشي هنا، لمن زهجت وقربت ابـ,,ـكي لقيتو قاعد ف كرسي بلعب ف تلفونو ف مشيت ليهو قلت ليهو لو سمحت ممكن تساعدني عايزاك ف خدمة..

قال لي طوالي، برلومة جاية تسجلي ولا شنو.. قلت ليهو اي قال لي واضحين انتو البرالما ديل.

المهم ساعدني كدة ووريتو تخصصي لمن خلصت كل الإجراءات الحمدلله كلها وشكرتوا..

قال لي بالمناسبة انا برلوم زيك…

وبقرا ف نفس تخصصك دة..

قلت ليهو ي زول لا لا تمام، وشكرتوا تاني ومشيت خليتو على كدة♥️..

اها الود دة بعد كدة نسيتو عدييل لحدي م نـ,,ـزلنا اول يوم وجيت بدريي وكنت برلومة فرحانة راسها لافي ولا خاطرت كتير اول بينش لقيتو قعدت فيهو والله ..

وبقيت مبحلقة ف كمية الخلق والأشكال الشايفاها..

اها بعد م زهجت كدة قلت اتوكل والف ف الجامعة وافتش ع قاعتي بي وين وان شاءالله م اتبرلم والحمدلله لقيت لي بنات مسـ,,ـكينات وصفو لي المهم دخـ,,ـلت كدة ولقيت في ناس بعني وقعدت ف وحدة من البنشات كدة وبعاين ف الناس ساي، شوية كدة جا هو. ..

قال اووو البرلومة البرلمتها، ف البداية م عرفتو بعدين اتذكرت انو دة هو..

المهم قعد وبقى يتونس معاي وهو طبعاً زول وناس وونستو كتيرة..

وانا زولة ونستها كتيرة برضو ف متذكرة اليوم داك اتونسنا ونسة طويلة طول.

بعدين جا الدكتور ادانا اول محاضرة والله م متذكرة كانت شنو لانو كانت كلها قطـ,,ـعية فيهو والله بس كانت تعريف وبنصح وكدة بس يعني..

المهم مع الوقت بقى هو صحبي شـ,,ـديد …

المهم الموضوع اتحول من صداقة ل حـ,,ـب بعد سنتين كان وسبحان الله ف ال 4 سنوات قراية م اتغـ,,ـير مني وكنا 24 ساعة ف الجـ,,ـماعة سوا لدرجة م عارفة كيف اتخـ,,ـرجنا ونجحنا♥️…

بعد م خلصنا جامعة جات فترة كدة اي زول كان بمشـ,,ـاغلوا وهو كان ناوي يتقدم لي ف كان 24 ساعة مشغول ومتذكرة الزمن داك زيتو كان طالع جد جد …

صبرنا صبر عظيم لدرجة م عـ,,ـرسنا الا بعد م اتخرجنا تقريباً ب 5 سنوات لكم ان تتخيلوا..

هو جاهد واشتغل كتتتير عشاني رغم انو صحباتي كانوا بيقولوا لي خليك منو ودة حيغشك ساي وموضوعوا طويل بس كنت واثقة فيهو شديد والحمدلله بعد 5 سنوات عـ,,ـرسنا وم خـ,,ـيب ظني والله فيهو♥️..

كل العايزة اقولوا ليكم من قصتنا دي انو م تشتغلي بكلام زول قدام الشخص ال انتِ واثقة فيهو لانو صدقيني ع قد الثقة الخاتاها فيهو ع قد م ربنا م حيخذلك والله♥️…

وبس يعني عابزة اقول ليكم انو م كل ناس دفعتكم م ظابطين والله..

في الناس الظابطة بس فتشوا ليهم كويس ياجماعة♥️..

ويلا فـ،،ـتناكم انا وراجلي بعافية♥️